الملف الشخصي
مشاهدة المشاركات
رسالة خاصة
مشاهدة مقالات المدونة
تخينة على الجواز
http://www.medicalto.com/13836
- سالخير عليكى يا أمي
- مساء النور يا سماح احطلك تتغدي ولا بعد ماتريحي شوية
- لا يا أمي أريح ايه ده انا طافحة الكوتة طول النهار وعلى لحم بطني
- نظرتلي الست الوالدة شذرا وكأنها مش مصدقة: على لحم بطنك، عليا انا برده الكلام ده يا سماح
- يا أمي انت بتسمي الكلام الفاضي اللي انا باكله في الشغل ده اكل
- يابت حرام عليكِ نفسك ده انت خارجة النهاردة الصبح وفي ايدك باقي حلة المحشي اياها ده انا وابوك ماكلناش منها حاجة
- ايهي حلة محشي.. دي يادوب الواحد يجرح زوره بيها
ده أنا اضطريت اشتري شندوتشين كبدة واحبس بكوبايتين شاي علشان اعرف اصلب طولي باقي النهار
- ياخراشي اعمل فيكِ ايه بس الكلام معاكِ مامنوش فايدة انا اكلم ابوك يشوفله صرفة معاكِ
- اه ماشي اللي تشوفيه يا حاجة مش هناكل بقى
- يا مراري .. يابنتي شوفي نفسك في المراية .. مراية ايه انتِ يلزمك درفتين مراية جنب بعض علشان تشوفي نفسك فيها
- ايه الكلام اللي يسد النفس ده يا أمي
- ياريت طيب تتسد نفسك وترحمي نفسك شوية
- ام سامية هاتي من الاخر انت ماطبختيش النهاردة صح .. ولا تزعل نفسك يا جميل حالا نطلب ديلفري تحبي تتغدي ايه نجيب فراخ ولا كباب وكفتة ولا .....
- يابنتي انتى مش حاسة بالمشكلة اللي عندك خالص !!!
- يووووه يا حاجة انا عارفة انتى عايزة تقولي ايه وبصراحة السيرة دي بتغمني
ماتسيبيني على راحتي يا أمي
- انا سايباك على راحتك بقالي سنين وادي النتيجة .. ممكن اعرف اخر مرة طلعت فيها الميزان كانت امتى
- ليه الاحراج ده بقى
- لاني خلاص طهقت والكلام الحنين ماعدتش يجيب نتيجة معاكِ
- يا أمي هو ايه بس اللي مضايقك
- يابنتي بصي لنفسك عاجباك الكلاكيع والكلابيز المبقللة من كل حتة
- انتِ بتجيبي المصطلحات دي منين يا حاجة
- ماهو من عمايلك
- ماتخافيش يا حاجة الصحة حديد
- يووووه انتِ بتستعبطي يابت... من الاخركده ام وائل جايبالك عريس لقطة وخايفة يطير منك زي اللي قبله بسبب وزنك ده
- ااااه قولي كده من الصبح الموشح اياه كان لازم اعرف من الاول .. وطبعا كالعادة الناس حتيجي تعاين وعايزاني اخس كااام كيلو واخفي ما يمكن اخفاؤه من التضاريس البارزة علشان اعجب مش كده...
- يابنتي انا نفسي اتطمن عليكِ اخواتك كلهم اتجوزوا وانا خايفة يفوتك القطر وتقعدي في قرابيزي
- من الناحية دي اتطمني انا حجم عائلي يعني عمليا انتِ تقعدي في قرابيزي مش العكس... هو قرابيز يعني ايه
- يعني اولع في نفسي يابت افهميني وريحي قلبي مرة واحدة بس بكرة اموت ومايفضلكيش حد وتلاقي نفسك لوحدك ومافيش حد حواليكِ
- ايه الفيلم العربي ده يا حاجة على معدة فاضية
- لا والله دي مش معدة اللي فاضية ده دماغ فاضي ومافيهش غير الاكل والشغل .. يابت شوفي البنات اللي في سنك بتعمل ايه ده انا في عمرك كان معايا اتنين والتالت على دراعي والجواز فرصة مابتجيش كل يوم خصوصا في سنك
وفي هذه اللحظة رن جرس الباب فتنفست الصعداء
وانا كلي ثقة اني كده خلصت من بقية المحاضرة وجريت ناحية الباب
وإذ أفاجأ بأم وائل ...
ممكن يكون فيه تكملة
انتو وحظكو بقى
م ن ق و ل
رد مع اقتباس
زيارة الصفحة الرئيسية
