لعبة الروشتات .. ياللا بينا نقرا الروشتة ونفصصها

[Dr.mini SHARK]

ازيكو ؟؟

طبعا اللعبة معروفة .. هنجيب روشتة و الصيدلي الشطور هيقراها ويقول ع اللي فيها ..

وياسلام بقي لو يقولنا استخدام كل دوا ف ايه بالظبط للحالة دي

وممكن يقول الميكانيزم و يجيب alternative ليه كمان (ان امكن يعني)

(زي شغل سيكشن السيوتكس بالظبط )

طبعا ممكن اللي عنده روشتة ويقدر يصورها ويرفعها و نتناقش فيها عشان اللعبة تحلو

اسيبكو مع اول روشتاية :

ياللا مين هيحلها؟؟

[BraveHeart]

هو ايه الدوا الاول اللي مكتوب

وال3 ادوية التانيين ملهمش علاقة بعض
يعني الروشتة دي لواحد بيشتكي من ايه

الموضوع جميل

شكرا ليكي يا د.ميني

[ashrafpharm]

دى روشته لحاله بتشتكى من ضغط منخفض واجهاد وهى غالبا انثى علشان كده الطبيب كاتبلها ايفورتيل وكاتب فيتامينات كمقو عام وممكن كمان انها كانت بتشتكى من اي الام او صداع نتيجه الاجهاد فالطبيب كاتب حقن فلدين واحده بس

[BraveHeart]

دى روشته لحاله بتشتكى من ضغط منخفض واجهاد وهى غالبا انثى علشان كده الطبيب كاتبلها ايفورتيل وكاتب فيتامينات كمقو عام وممكن كمان انها كانت بتشتكى من اي الام او صداع نتيجه الاجهاد فالطبيب كاتب حقن فلدين واحده بس

انا مش قصدي بتشتكي من ايه يعني شكوتها انا قصدي الdiagnosis

وايه علاقة الايفورتيل بانها انثي او ذكر

[ashrafpharm]

انا مش قصدي بتشتكي من ايه يعني شكوتها انا قصدي الdiagnosis

وايه علاقة الايفورتيل بانها انثي او ذكر

فى مرضى كتير بيذهبوا الى الاطباء او الصيادله كل شكواه انه حاسس انه تعبان دايما ومجهد وعندما يقوم الطبيب بفحصه يلاقي ضغطه منخفض فقط وحالته عامه كويسه فبيكتب ايفورتيل وفيتامينات وخلاص لزوم الروشته
انا اعتقد انها انثى علشان معظم حالات الضغط المنخفض اللى بنشوفها بتكون لسيدات فقط الموضوع ملوش دعوه بالايفورتيل

[صيدلى / أحمد سمير]

انا مش شايف حاجة غلط فى الروشتة
غير اننا ممكن نفترض مثلا
انه مبالغ شوية فى مسألة الصداع ده

لان الصداع عرض وليست سبب
وباستخدام كل من الايفورتيل مع الفيتاماكس
زالت اعراض الضغط المنخفض
وبالتالى سيزول اصداع

يعنى كان كفاية قوى السيتافين وحبة عند الزوم

[Dr.mini SHARK]

شكرا لتفاعلكم الرااااااائع حقيقة

بس كده محدش قال مين الحقنة اللي ف الاخر دي؟؟



دكتور بريف هارت للاسف عدد قليل جدا من الاطباء اللي بيكتب ال diagnosis ع الروشتة ..
وبالتالي توقع الصيدلي لشكوي المريض بيبقي من خلال الادوية المكتوبة
وده زي ما قام بعرضها السادة الزملاء


دكتور اشرف قال ع ال effortil

دكتور احمد قال ع الeffortil وال vitamax وال cetafen


الاجابة غير نموذجية ..

ناقص اسم اخر دوا .. والمادة الفعالة لكل واحد

الاستخدام الطبي انتو قلتوه في سياق النقاش .. جزاكم الله خيرا



-----------------


انتظرونا ف الروشتة القادمة

[B@khit]

نحكى القصه بقى مع ان الاجابة واضحه وسهله شوف يا سيدى فتاة فى العشرينات جسمها ضعيف غالبا متزوجه بتشتغل فى البيت كتير بتجيلك تقولك يا دكتور انا بحس بدوخه وصداع وزغلله وجسمى كله متكسر
خد بالك من الشكوى كلمه كلمه
هتقيسلها الضغط هتلاقيه منخفض
هتنسى تسألها عن ال period وعن كمية الدم المفقود طبعا مش هتقولها الكميه اد ايه لا خليك محترف وقولها بتغيرى كام فوطه ؟؟
ايه اللى بيحصل بعد ما تنسى عن ال menses
هتكتبها علاج للاعراض اللى هما الاربع ادوية اللى فوق وطبعا ملهمش علاقة ببعض لانك بتعالج الشكوى وهى صداع دوخة زغلله ضعف عام جسمى متكسر فهتكتب دوا للصداع وفيتامينات ودوا نقط للضغط المنخفض وحقنه anti-inflammatory لتكسير الجسم
والنتيجة ولا حاجه غالبا روشتة ممارس عام لانك نسيت تسال عن الدورة الشهريه لو سالت هتعرف ان عندها انيميا الطبيعى تطلب تحليل دم وبول وبراز قبل ما تحط قلم فى الروشته وتعالج بقى الانيميا لما تعالجها صح كل الاعراض دى هتختفى شكار على الموضوع

[B@khit]

سورى نسيت اضيف انك طبيعى وبديهى لما تسال عن الدورة الشهريه مش بس تسال عن عدد الفوط الصحية هتسال كمان عن مدة الدورة دا بديهى طبعا الطبيعى من 3-5 ايام غالبا البنت دى هتقولك 7 ايام
وبالتوفيق للجميع

[smhzakaria]

لو هنتكلم عن مشكله الضعف العام
والشكوى الاشهر
حاسه انى مجهودى قل

كانوا بيقولوا لنا
ابحث عن
liver function
cbc
thyroid function

بمناسبة الحديث عن الدوره الشهريه
افتكر مريضه جت لى المشتشفى
كل مشكلتها ترجيع
وكشفت مره وكتبلها علاج للترجيع
وقال لها ان عندها التهاب بالمعده
وتحسنت عليه شويه
ورجعت لها المشكله
طبعا السيده لديها سابق خبره باعراض الحمل
علشان كده تكاسلت اسألها عن الدوره
وكتبت علاج التهابات المعده
عادى
بعدين قلت طيب نسألها من باب العلم بالشىء
اكتشفت انها
amenorrhea 4 months
طلبت اختبار حمل
ايجابى
4 شهور وبتاخد ادويه مختلفه لم تفكر يوم فى اختبار حمل
السؤال عن الدوره بيفرق

موقف اغرب (ممكن يوضع فى غرائب وطرائف)
سيده فى عقدها الرابع
كشفت فى مشفى جامعى
كانت بتعانى من تسارع فى انفاسها dyspnea
كشفوا
وجدوا
الضغط 230/120
الصدر fine crepetation bialt basal

تم تحويلها الينا على كونها
HTN pulmonary oedema
وفى جواب التحويل
Pt has hepato spleno megaly

ناس عندهم ضمير
كشفوا على بطن المريضه كمان
المهم دخلنا الحاله
بعد الكشف عليها من كتير مننا
بس خلاص فكرنا كله توجه الى التشخيص المكتوب بالتحويل
يلا يا بنات
كانيولا
قسطره بول
ترايديل
لسه بيركبوا القسطره
اذ فاجأه

دم عنيف من الاسفل

وراس الطفل مقابلاهم

الست حامل ولا تدرى
وما حدث هو مضاعفات الحمل
HTN disease with [regnancy

العجيب مش بس اننا وفى المستشفى الجامعى نسينا نسأل عن الدوره
الاعجب هو دكتور كانت متباعه معاه
بشكوى من مغص مستمر
قعد 9 شهور(طول فترة الحمل)
يديها مسكنات وحاجات للمغص
وتشخيصه
قولون عصبى

اظن بعد كده
مفيش حد هينسى يسأل عن الدوره الشهريه
دى حاجه اساسيه فى اى هيستورى من مريضه
بالتوفيق
وخالص الاعتذار لل د/مينى
عن تحويل مسار الموضوع
هنقل المشاركه بعد فتره حتى لا تعيق فكرة الموضوع
بس اضفتها تعليقا على مشاركة د/احمد