ايه رايك في الحكمه دي

[dr jody abot]

بسم الله الرحمن الرحيم

ان لم تكن ذئبا اكلتك الذئاب
ايه رايكم يا جماعه في الحكمه دي !!!!!!
كل الناس دايما بتقول احنا لازم نبقى ذئاب علشان نعرف نعيش
وناس تانيه تقول احنا هنربي عيالنا انهم يكونوا ذئاب علشان يقدرو يتأقلمو مع العصر اللي احنا فيه
طب ليه يا جماعه مابنفكرش بالعكس كل الناس بتقولي ده تفكير خيالي ؟؟؟؟؟؟
انتو ايه رايكم وليه ده تفكير خيالي؟؟؟

[dr jody abot]

انا شايفه انه لو كل واحد فكر كده كل الناس هتتحول لذئاب وكده هتبدا الذئاب تاكل في بعضها ذي ما بدأ يحصل دلوقتي
ها ياجماعه انتو شايفين ايه
انا عارفه ان معظمكم او كلكم مخالفني في الراي بس يا ريت تقولولي ليه؟

[elsharkawe]

المفروض الانسان يبقى وسط

لا يبقى ضعيف فيهضم حقه ولا يبقى مفترى على الناس

[dr jody abot]

ده المفروض بس للاسف محدش بيفكر ونادرا اوي ان حد يفكر كده

[dr jody abot]

ايه يا جماعه هو الموضوع مش عاجبكم ولا يه؟
طب لو مش عاجبكم يا ريت تقولو بردو رايكم انه مش عاجبكم
بس على الله حد يقول

[amkas007]

والله انا مقتنع انك (وسط الذئاب)لازم تكون اسد كمان مش ذئب بس

انما مينفعش نتقلب كلنا ذئاب في حياتنا الطبيعيه ..هناكل بعض زي ماقتلي ياجودي

عشان كدا دايما بقول مينفعش تتعامل كويس مع الشخص الغير محترم ..والا هتتهرس في المجتمع دا

[عرباوى]

المومن القوى خير من المومن الضعيف
اوعو تفهمونى غلط

[DR BEAN]

قال لقمان الحكيم لابنه (يا بنى لا تكن حلو فتبلع، ولا مرا فتلفظ).
لازم الشخص يكون مستعد ومهيئ نفسيا لاى موقف مش كويس او محاوله ضرر من جانب الاخرين .
خاصه فى ظل الوساطه والمحسوبيه وابن فلان ودا ابن علان .بس دى مش دعوة لترك العمل الطيب والمعروف .اعمل الطيب والخير لله وفقط ولا تنتظر شكر من احد .

[dr.hajar]

عن نفسي
عمري ما بفكر أكون زي الناس دي ولا حتى بتمنى كدا؟؟
أصل ليه هنافق عشان أوصل لرضاهم
وليه أكون خبيثة عشان أكسب حبهم الخبيث برده ومش ينداس عليا
دي فلسفة غلط خالص على الأقل من وجهة نظري
لإني بالعكس حابة أكون دايما بريئة نضيفة من جوا
مع ان في مواقف بتغير الواحد ودا شيء دايقني في نفسي من كتر اللي شفته حاسة اني مبقتش زي الاول
بس على الأقل لا بتلائم ولا بكون بوشين عشان آخد حقي
حتى بجد لو اتظلمت أو هتظلم يكفيني ان ربنا هيكون معايا ان شاء الله طول ما انا صح
على الاقل واثقة ان ربنا هياخدلي حقي حتى لو يوم القيامة
لإن ربنا بيسامح في كل حاجة إلا حق العبد مع العبد
فبجد بكون مطمنة....صحيح الواحد بيدايق في الاول من الناس اللي حوليه
بس لما يعد مع نفسه ويعرف ان ربنا كبير بيطمن بجد
وصدق رسول الله صلى الله عليه وسلم لما قال:
(( أَتَدْرُونَ مَا الْمُفْلِسُ ؟ قَالُوا : الْمُفْلِسُ فِينَا مَنْ لَا دِرْهَمَ لَهُ وَلَا مَتَاعَ ، فَقَالَ : إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ ، وَيَأْتِي قَدْ شَتَمَ هَذَا ، وَقَذَفَ هَذَا ، وَأَكَلَ مَالَ هَذَا ، وَسَفَكَ دَمَ هَذَا ، وَضَرَبَ هَذَا ، فَيُعْطَى هَذَا مِنْ حَسَنَاتِهِ ، وَهَذَا مِنْ حَسَنَاتِهِ ، فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ، ثُمَّ طُرِحَ فِي النَّارِ ))
اللهم احفظنا
وقنا فتن الدنيا ما ظهر منها وما بطن

[B@khit]

المعامله بالمثل