نفسي أتخن..!!

[DR.Alaa]

يُجيب على الاستشارات:
د.محمد أبو الغيط
الأستاذ بكلية الطب جامعة القاهرة
وسكرتير عام الجمعية المصرية الطبية لدراسة السمنة

النحافة هي النقيض للسمنة وزي ما فيه ناس مشكلتها الوزن الزائد والدهون المتراكمة في كل مكان في الجسم... فيه ناس مشكلتها إنها مش عارفة تتخن رغم محاولاتها المتكررة لزيادة الوزن... وزي ما السمنة ممكن تسبب إحراج لصاحبها، النحافة كمان مشكلة قد تدفع البعض للانطواء ويشعر بسببها بالإحراج من الآخرين... وعشان نفهم ونمشي صح معانا الدكتور "محمد أبو الغيط" هيكلمنا عن النحافة..

يا ترى النحافة لها أسباب مرضية؟!!

النحافة مشكلة حقيقية... قد يكون هناك سبب عضوي أو مرض ما أو أنيميا أو قد يكون الشخص مصاباً بالسكر أو عنده اضطرابات في هرمونات الغدة الدرقية ممكن يكون هرمون الغدة عالي جدا، وهو السبب في فقدان الوزن والنحافة، أو قد يكون هناك مشاكل في الجهاز الهضمي أو قد يكون المريض مصاباً بأنواع من الأمراض المرتبطة بالديدان والطفيليات التي تُؤثر بالسلب على امتصاص الجسم للأكل.. ولاكتشاف أي من هذه العوامل وراء النحافة يجب إجراء تحاليل متكاملة ترصد بدقة الحالة الصحية للمريض؛ لأن العلاج والتخلص من المشاكل التي تعوق أجهزة الجسم المختلفة من الاستفادة من الأكل يساعد جداً في التخلص من النحافة والوصول إلى الوزن المثالي.

لكن ممكن الشخص النحيف وبعد ما يعمل كل التحاليل المطلوبة يكتشف أنه سليم جداً ولا يعاني من أي مرض والحمد لله.. هنا يمكن أن تكون الأسباب وراثية بمعنى أن يكون الأب أو الأم أجسامهم نحيفة، وبالتالي الأولاد عندهم نفس المشكلة.

والحل..!!

لو اكتشفنا المرض بنعالجه وخلاص مافيش مشكلة؛ لأن المريض خلاص تخلّص من المانع اللي بيحول دون زيادة وزنه، لكن المشكلة الحقيقية لو كانت النحافة سببها وراثي ولا علاقة لها بأي أمراض.. وهنا بنلجأ إلى ما نسميه "التسمين" أو "بناء الجسم" وهي عملية صعبة جداً جداً حيث إن التخسيس يعد أسهل بكثير منها؛ لأن الهدم أسهل من البناء.

علاج النحافة محتاج هدوء وصبر من المريض، ولا يستعجل النتيجة أبداً؛ لأن مشواره طويل ويقبل أي رقم يزيده حتى لو كانت الزيادة كيلو واحد في الشهر!! لأن في حالة النحافة الكيلو إنجاز للمريض والطبيب..

بعض الأطباء يلجأ للرياضة لتكوين عضلات في الجسم لتغيير شكل الشخص بدلاً من الاعتماد فقط على زيادة نسبة الدهون في الجسم... الرياضة المكثفة وتحت إشراف متخصص ممكن تربي عضلات وتزيد من حجم بعض مناطق في الجسم بسهولة، وقد ترفع من معدل الزيادة الشهرية لتصل إلى 2 كيلو في الشهر وهي بالطبع الاتجاه الأفضل دون الاعتماد على الدهون فقط؛ لأنها ممكن ترفع نسبة الكوليسترول في الدم، وقد لا يزيد الوزن بل يُصاب الشخص النحيف بمرض يكون مقدمة لأمراض أخرى مرتبطة بالضغط أو انسداد الشرايين على المدى الطويل..

هل تنصح بمكملات غذائية تُساعد في علاج النحافة؟؟

لو التحاليل أظهرت نقصاً في عنصر ما أكيد الدكتور هيستعين بالمكمل الغذائي الناقص في الجسم أو بمجوعة من الفيتامينات لكن في أغلب الحالات هؤلاء الأشخاص لا يوجد لديهم نقص في أي عنصر غذائي.

الموضوع منقول للافادهولتصحيح بعض المعلومات الخاطئه عند البعض

[DR.Alaa]

دى بعض الاستفسارات اللى بيجاوب عليها الدكتور
طولى 182 ووزنى 64 بس انا

انا طولى 182 ووزنى 64 بس انا عايز اتخن شوية ياريت الاقى حل.
===================================

الصديق العزيز.. الوزن الصحي المناسب مع طولك يتراوح بين 66 لـ 82 كيلو، وحتى تصل إلى الوزن المناسب عليك بممارسة الرياضة وتناول أكل صحي ومتوازن يحتوي على كل العناصر الغذائية.

• إضافة رد


كنت عايزه اعرف ايه هو الوزن

Sun, 2009-10-11 04:38 كنت عايزه اعرف ايه هو الوزن اللى اعرف بيه اني بقيت نحيفه يعني انا مثلا طولي162 ووزني 50 هل انا كده نحيفه؟؟؟
=========================================
الصديقة العزيزة..وزنك المثالي المناسب لطولك يتراوح بين 52 لـ 65 كيلو.
 انا عندى 21 سنة وجسمى وزنه 54


انا عندى 21 سنة وجسمى وزنه 54 كيلو وطولي 157 بس عندى منطقة البطن مليانة شوية اعمل ايه علشان تخس، ملحوظة انى مش بعمل رياضة على طول ممكن يوم كده او يومين وباقى الايام لأ وشكراعلى الموقع الجميل ده.
===============================================

صديقتنا العزيزة أحسن علاج لمشكة البطن دي هي ممارسة التمارين الرياضية بانتظام، ويمكنك استشارة جراح تجميل علشان تعرفي أحسن طريقة توصل لك للشكل اللي إنتي عايزاه.


شكررررررررررررررررررررررررررر


شكرررررررررررررررررررررررررررررررررررررررررررررررر ررررررررررررررا
 انا عملت كل التحاليل وطلعت


انا عملت كل التحاليل وطلعت الحمد لله سليمه ومفيهاش اي حاجه دلوقتي ممكن اعمل نظام غذائي او أدويه.
==============================
:
صديقتنا العزيزة..الحمد لله إنك اطمنتي إن مفيش اي اسباب عضوية للنحافة ودلوقتي ممكن تتابعي نظام غذائي وكمان فيه بعض الأدوية اللي ممكن تستعمليها لكن كل ده لازم يكون تحت إشراف دكتور متخصص في علاج النحافة.

• إضافة رد


طب يا دكتور برضو ماعرفناش


طب يا دكتور برضو ماعرفناش ازاي نتحن هل فيه انواع حبوب او ادوية تتخن وياريت تركز علي منطقة الوجه.
======================================
صديقتنا العزيزة..طبعاً فيه ادوية وأنظمة غذائية ممكن تمشي عليها علشان تتخني ولكن ده لازم يكون تحت إشراف دكتور متخصص، وكمان فيه بعض التحاليل اللي لازم تعمليها.

السلام عليكم احب اشكركم على


السلام عليكم احب اشكركم على الموضوع ده جدا لانى كنت محتاجاه جدا انا وزنى 55 كيلو وطولى حوالى 165 سم ونفسى اتخن بس يعنى بشكل كويس ,انا كنت عايزة اعرف هل انا محتاجة للزيادة دى ولا وزنى مناسب لطولى؟ لانى بحس انى شوية رفيعة فى الهدوم وجسمى مش قابل للزيادة بشكل سريع..ارجو الرد..شكرا
==============================
الصديقة العزيزة نحب نطمنك إن وزنك كده مناسب جداً لطولك لإن الوزن الصحي المناسب لطولك يتراوح بين 53 لـ 62 كيلو.

انا كان وزنى 47 و بعانى من


انا كان وزنى 47 و بعانى من نحافة لان طولى 163 و تابعت مع الدكتور وماعمليش اى تحاليل و لا حاجة وصلت ل 53 بس ماكملتش بسبب المذاكرة و كدة و رجعت خسيت تانى و بقيت خمسين كيلو او اقل ..وعاوزة اتابع مع دكتور تانى بس معرفش ليه مع الدكتور بتخن و لوحدى لأ..مع ان اكلى مش بيختلف كتير بس حقيقي انا زهقت و باكل حاجات المفروض تتخن بس مش لتخن و المشكلة رخمة فعلا و بسمع كلام يضايقنى من قرايبي يمكن لو كنت مشكلتى السمنة كانت بقت اسهل.
=============================================

الصديقة العزيزة..لازم يكون عندك صبر لإن زي ما قلنا قبل كده إن بناء الجسم بياخد وقت أكتر من هدمه وعلشان كده لازم تستمري في المتابعة مع الدكتور علشان توصلي للوزن المناسب واللي بيتراوح بين 53 لـ 66 كيلو.

انا مش عارفة انا رفيعة و لا

أرسلها a.snowhite (زائر) في Thu, 2009-10-08 14:58
انا مش عارفة انا رفيعة و لا جسمى مضبوط! اهلى فى البيت بيقولولى انتى جسمك مضبوط و هتتملى شوية شوية و اصحابى يقولولى فى المدرسة انتى رفيعة جدا و انا بتضايق جدا وانا عندى 15 سنة ساعدونى.
==================================
رد بص وطل:
ياريت تبعتي لنا وزنك وطولك بالظبط علشان نقدر نقول لك إذا كان وزنك مناسب ولا لأ؟

• إضافة رد


انا عندى 21 سنة ووزنى 49 ومش


انا عندى 21 سنة
ووزنى 49 ومش وراثه وكنت باخد تركيبات بس زهقت لما مالقتش نتيجه قولوا لى اعمل ايه؟
==========================================

صديقتنا العزيزة ياريت تبعتي لنا طولك بالظبط علشان نقدر نحدد إذا كان الوزن ده مناسب ليكي ولا لا؟

أنا شخص نحيف والمشكله ان وزنى


أنا شخص نحيف والمشكله ان وزنى ثابت جدا 50 كيلو جرام وطولى 165 سنتيمتر مشكلتى ان وزنى لا يزداد او يقل رغم انه فى فترات من الشهر يكون كمية الاكل اكتر فى اشهر معينه والاحظ الفرق ولكن نفس الوزن ثابت ايضا واعتقد ان العيب وراثى بأنى والدى كان نحيف وهو صغير لكنه اصبح جسمه جيد بعد ما كبر فى السن ارجو حل مشكلتى فهى تسبب لى احراج دائما
==========================
الصديق العزيز..لازم تستشير دكتور علشان تعمل بعض التحاليل وتقدر تعرف إيه سبب النحافة اللي عندك وعلى الأساس ده يقدر الدكتور يديك الدواء المناسب لحالتك.



لو سمحتم انا عاوزه اعرف اى


لو سمحتم انا عاوزه اعرف اى الحبوب دى يساعد على تخسيس اسرع للبطن من غير ما يعرضنى لمشاكل تانيه (دايت ماكس- سبيرتوم - اورليستات سيجما) ولو فيه حاجه اقوى ياريت تقولي لى عليها من غير ما تسبب مشاكل وفيه خلطه اعشاب عاوزه اعرف دى فعلا بتخسس البطن ولا لأ؟ هى عباره عن (كمون - نعناع- زنجبيل- شاى اخضر )هما كلهم مع بعض وبيتشربوا ارجوكم افيدونى انا محتاجه الرد جدا.
=====================================

صديقتنا العزيزة..أحسن حل لمشكلة السمنة الموضعية هي ممارسة التمارين الرياضية لإن مفيش أي علاج ممكن يخسس منطقة بعينها في الجسم، كمان ممكن تستشيري جراح تجميل.
اما بالنسبة لسؤالك التاني فمفيش اي دراسات أثبتت إن فيه مشروبات بتساعد على التخلص من الوزن الزائد.

السلام عليكم انا اسمى ياسمينا


السلام عليكم انا اسمى ياسمينا وانا فعلا عندى مشكلة النحافة دى ورحت لدكتور وعملت تحاليل من ضمنها تحليل الغدة وطلع التحليل مافيهوش حاجة بس كانت المشكلة اللى عندى كلها هى ان كان عندى عسر فى الهضم وجسمى مش بيستفيد بالاكل خالص والدكتور كتب لى على كذا دوا وكان من ضمنهم مقويات وفاتح للشهية واقراص كدة للهضم وفعلا وزنى زاد بعد اسبوع 3 كيلو بس المشكلة دلوقتى انى حاسة انى خسيت تاني مش عارفة عشان نزلت الكلية وطول اليوم برة ومش باكل كويس ولا جسمى مثلا مش بيزيد عن كدة ياريت حضرتك ترد عليا.
================================
الصديقة العزيزة لازم تعرفي إن علاج النحافة بياخد وقت أكبر من علاج السمنة لإن بناء الجسم بياخد وقت، علشان كده لازم تصبري شوية مع المتابعة مع الدكتور والانتظام على الأدوية والاهتمام بالتغذية الصحية المتوازنة.

السلام عليكم انا عندى 22 سنه


السلام عليكم
انا عندى 22 سنه وشهرين ووزنى 48 كيلو عملت تحليل وكان فيه نسبه انيميا واخدت برشام حديد مع العلم ان وزنى كان ازيد من كده بس من حاله نفسيه قطعت الاكل ووزنى نزل بس نفسى ازيد تانى ومش عارفه اعمل ايه وايه الجدول اللى المفروض امشى عليه؟
===================================
صديقتي العزيزة..لازم تعرفي إن علاج المحافة بياخد وقت أطول من علاج السمنة وعلشان كده لازم تصبري مع الاهتمام بتناول الغذاء اللي بيحتوي على كل العناصر الغذائية اللازمة للجسم من بروتين وخضروات ونشويات وغيرهم من العناصر المهمة لبناء الجسم، كمان لازم تعملي بعض التحاليل علشان تتأكدي إن مفيش سبب عضوي للنحافة اللي عندك والتحاليل دي زي
• تحليل بول
• تحليل براز
• تحليل كورتيزون
• تحليل سكر
• الغدة الدرقية

[Dr/ 3bd_allah Rabe3]

Thx., dr/3la2

[DR.Alaa]

u r wellcomed

[B@khit]

الف شكر يا كبيرنا وعايز حذر البنات من ال dexazone الديكسازون لانه بيعمل cushinoid syndrome
بعض الصيادلة بيتهموا الدوا دا بعمل ميه تحت الجلد ولكن هو مش كدا لان ال salt/water retention بتاعه قليل جدا لكنه بيعمل bruises فى مناطق كتيره فى الجسم (الشعيرات الدموية بتفرقع ) وتوزيع الدهون بيكون خطأ بمعنى ان مناطق معينة بتزيد ومناطق تانيه لا + انه بمجرد التوقف عن تناول الدواء الوزن بيقل تانى
لذلك ارجو الاهتمام اكثر بنظام غذائى متكامل يتحسب على اساس السعرات الحرارية

[DR.Alaa]

وكمان بعض الاطباء بيوصفوه لبعض المرضى اللى وشم رفيع او مش مليان وده طبعا خطأ كبير فى خلال 3 شهور من الاستعمال للكورتيزون تبدأ مضاعفاته فى الظهور
شكرا على مرورك يا ميدو نورتنا

[B@khit]

فى ناس خبيثه اوى بتعمل ايه بقى بيمشوا البنت دى على 3 اقراص لمدة 3 اسابيع وبعدين قرصين فى اليوم لمدة اسبوعين وبعدين قرص واحد فى اليوم لمدة اسبوع
وفعلا بيزيدوا اكترمن 12 كيلوومبتحصلش مضاعفات بس الوزن بينزل شوية بعدما يبطلوا
بس من الاخر الحركة دىحرام من وجهةنظرى انك تدى كورتيزونات علشان تزودالوزن

[DR.Alaa]

هوا اه وزنها هيزيد وممكن يزيد بمعدل 20 كيلو لكن غالبا هتوتجه مشاكل زى تغيرات فى الجلد او سقوط فى الشعر ودى شفتها مع حاله والبنت فعلا زادت 20 كيلو وبعد ها بكام اسبوع نزلت 6 كيلو
غير بقى المشاكل اللى هيا بتواجهها من عدم قابليه للاكل والتهاب شديد فى المعده وماشيه على مضادات الحموضه باستمرار

[النجم الطائر]

شكرااااااا علي المعلومة

[somax]

شكرا بجد علي الموضوع بس انا عندي مشكله اني وشي رفيع جدا وانا بصلع ونفسي بجد اتخن ومش عارف اعمل ايه يا ريت تساعدني مع العلم اني بمارس العاده السريه كتير هو ده سبب بياثر علي تخن الوش وكمان انا عملت تحليل براز بس قبل كده قوالي انت عندك حاجه اسمها عسر هضم يا ريت تساعدوني وتقولي بالتفصيل انا المفروض اعمل ايه