الماستر

[dr.king]

بسم الله الرحمن الرحيم
"اللهم اشرح اي صدري ويسر لي أمري"
الموضوع ده إن شاء الله عاوزينه يكون إفادة لكل دكتور أو دكتورة .....أي حد عاوز يسجل ماستر في مصر عموما
وإيه هيا وسائل التسجيل
وإمتي الجامعات بتفتح وإيه الأوراق المطلوبة في كل جامعه وخلافه
وياريت كل الدكاتره الكبار في المنتدي وهما طبعا معروفين للجميع
ذوي الخبره في المواضيع دي
يكملوا علي كلامي ولو في أي خطأ أو نسيان يتفضلو مشكورين بالتعديل
في البدايه:ـــ
"الماستر أو الماجستير" هو شهادة دراسيه زي شهادة البكالوريس كده وليس برنامج تدريبي وليس له علاقه بمهارتك كطبيب ولكنه شهادة دراسيه بحته محاضرات و امتحانات نظري وعملي وشفوي ورساله
لكي لا يختلط الامر بالنسبه للأطباء الجدد بين الماستر والنيابه
نبدأ :ــ
أشهر وسائل للتسجيل للماستر بطريقه ليجال هيا :ــ


1- ترشيح الوزاره

2- الطبيب البشري الحر

3- ترشيح الهيئات

4- ترشيح القسم لنواب الجامعه

5- وفي بعض الحاجات الإستثنائيه زي مثلا جامعة قناة السويس بتسمح للتسجيل للماستر فيها لكل من يمر عليه ست شهور في التكليف او النيابه في مدن القناه

نتكلم عن أول واشهر طريقه:ــ


1- الترشيح الوزاري


هو تقديم الأوراق إلي مدريه الصحه "في شهر إبريل" بعد مرور ست شهور من استلام النيابه في التخصصات الملحه وبعد مرور سنه من إستلام النيابه في التخصصات العاديه الغير ملحه"ومدريات الصحه بتبعت للوزاره والوزاره بتبعت للجامعات المكتوبه كل حسب رغبته" ولو كل حاجه مشيت تمام في موضوع التسجيل بالترشيح الوزاري بتمتحن الفرست في الجامعه اللي جات لك بعد مرور ست شهور من نزول اسمك في الجامعه "يعني بتقدم الأوراق للمدريه في شهر ابريل واسمك ينزل في سبتمبر وتمتحن في ابريل التاني"


2- الطبيب البشري الحر


ودا بيكون طبيب بشري أخلي طرفه من وزارة الصحه بمعني انه لم يستلم التكليف من البدايه "قام بإلغاء التكليف" أو استلم التكليف ثم قدم استقاله "طلب الغاء تكليف" وبعد ذلك اصبح طبيب بشري حر وقام باستخراج شهادات الطبيب البشري الحر من النقابه وبيقدم في الجامعه اثناء فتح باب التسجيل عادي جدا وبيطلوبو منه اصل الاستقاله من الوزاره مختومه وشهادة الطبيب الحر اللي حصل عليها من النقابه العامه مع الاوراق وبيقدم بدري جدا ممكن يمتحن في اقرب وقت ممكن بعد الامتياذ تقريبا مع نواب الجامعه""ومن هنا جائت الثغرات للتسجيل الإل ليجال ""


3- ترشيح الهيئات


مثلا زي هيئه التأمين الصحي هيئه الطاقه الذريه وهيئة السكة الحديد وأيضا المصل واللقاح والوزارات الأخري زي وزارة الدفاع وأيضا الشرطه وخلافه وفي هذه الحاله ترشيح الهيئه بيكون بدري جدا بالنسبه للتسجيل


4- ترشيح القسم في الجامعه


للناس اللي ليهم بوست ودا بيكون امتحاناتهم في اقرب وقت بعد التعيين ف الجامعه وبردو لو انت عامل انتداب من الصحه للجامعه نفس الكلام بتتعامل نفس المعامله دي وكذالك لو انت نايب زاير "مقيم" بيرشحك القسم لتسجيل الماستر
وإن شاء الله جاري التكمله
وربنا ييسر للجميع
اللهم آمين

[syringa]

تسجيل متابعة وتوقع بالتثبيت فى القريب العاجل

مشكور يا ابو عيسى على مواضيعك التحفة

[dr.rosy83]

شكرا للافادة

[dr_rabab]

موضوع مميز ومفيد جدا

بارك الله فيك

وجزاك الله كل الخير

[hakeem3yoon]

ايه الجمال ده كله
تسلم ايدك يا كنج
وربنا يجزيك كل خير

[sacabolos]

go on

[dr.king]

جزاكم الله خيرا..كل الناس إللي شاركت
بس عاوزين تفعيل للموضوع
ناس تضيف معلومات
ناس تسأل
ناس تجاوب
كده
ايدك في ايدي ياابن عمي

[ayman mandour]

شكرا يا دكتور

[dr.king]

طب عين شمس :ـ

المواعيد :ــ فتح باب الترشيح للماستر مرتين في السنه:ــ
من 1 / 7 / إلي 30 / 7 "ودا التسجيل الأساسي في طب عين شمس يعني ترشيح الوزاره ونواب الجامعه دور اول وكل الترشيحات عادي جدا"دا للتسجيل للدور الأول بمعني لو اتقبلت في التسجيل تمتحن الفرست في ابريل
من 15 / 11 إلي 15 / 12 ودا التسجيل للدور التاني بمعني لو اتقبلت في التسجيل تمتحن الفرست في اكتوبر "بس دا مفيهوش ترشيح وزاره "
الأوراق المطلوبه
1-شهادةالبكالوريوس
2-شهادةالامتياذ
3-صورة شهادة ميلاد
4-صورة من الموقف من التجنيد
5- عدد 2 صوره شخصيه
6-دوسيه بلاستيك
وبتدفع 150 جنيه "وصل تقديم ملف" وانت بتقدم...... وبتملي الاستماره بتاعة الملف وتحط كل الاوراق دي في الدوسيه وتقدمها .......... وكل قسم بيكون ليه شروط ف التقدير"التقدير العام فقط" (بس الحد الأدني للتقديم للماستر عموما جيد تقدير عام) لان مش مطلوب تقدير المادة وما بينطلبش منك شهادة تقديرات
دا كان بالنسبه لترشيح الوزاره
ولو انت طبيب بشري حر بتجيب كمان تلت حاجات:ــ
7-شهادة إلغاء التكليف من الوزاره
8-شهادة طبيب حر من النقابه العامه للأطباء
9-صورة بطاقة شخصيه حديثه يذكر بها طبيب بشري حر

[dr.king]

بالنسبه لترشيح الوزاره
ليك تلت جامعات بتكتبها في الرغبات
غالبا بيجيلك واحدة منهم