عرفنا بنفسك كلاكيت اول مره --- حملة يلاّ طب ضد الملل

[B@khit]

من زمان اوى عملت نفس الموضوع فى طب مصر فى الحقيقه انا عارف ان الموضوع كدا هيبقى ممل كل شويه هدخل اقول انا فلان الفلانى واصلا فيه ناس مبتحبش يقولو هما مين معرفش ليه مع اننا زملا واكيد هنتقابل فى يوم من الايام او هنشتغل سوا فى مكان واحد
المهم منعا للملل والتطويل مثلا اللى اعرفه عن فلان اللى معانا انه اسمه كذا وفى جامعة كذا والفرقه كذا وشكرا على كدا بس مش هو دا المطلوب انا رأيى ان كل واحد يفتح قبله ويتكلم عن احلامه وطموحاته او حتى عن شخصيته ورأيى كمان انه ميعدش يتفرج كتير لان الناس بتبص من بعيد وفاكرين اننا فى وادى وهما فى وادى وبيخافوا يكتبوا حاجه غلط لا سمح ان حد يتريق عليهم او ما شابه ودا اللى بيخلى اى منتدى فى العالم المشاركين فيه اقل من واحد من 100 فى ال 100 يعنى من كل الف مبيزدش عدد الاكتيف يوزر فى اغلب الاحيان عن واحد اتنين تلاته اربعه بالكتير اوى 10 تلاقى طب مصر قرب يوصل 9000 الاكتيف فيهم 90 مثلا والباقى متفرجين او خايفين او مكسوفين

ومن موقعى هذا عايز ابدا حملة كسر الملل الجزء الاول
PART 1 ملل ANTI

يا ترى يا هل ترى مهنة الطب اللى بتحتاج جراة ومجاذفه تستحق منك تجربة المجاذفه بالكتابه هنا ولا لا

[B@khit]

الاول عاوز اقول سبب الاسم ليه يلاّ طب
امممممم بما اننا اسره واحده وبما اننا بنتعامل سوا على اننا مخنا واحد وافكارنا واحده وهدفناواحد علشان كدا اى فكره واى اقتراح بنشوف هينفع ولا لا ونطبقه المهم ان محمد اقترح اننا نعمل سايت طبى بس مختلف فى كونه social شويه
هو بيحب فؤاد شوية ومتأثر باغانيه لانه بيحس انه مصرى اوى اوى مننا صوته بيلمس قلوبنا كلنا ايا كان اتفقنا او اختلفنا معاه انا شخصيا بحب فؤاد جدا فؤاد ليه اغنية بدايتها يلاّ هوا على ما اتذكر لانى مش بركز اوى فى الاغانى وبعدين بقى كل ما يقفل ماسنجر معايا يروح قايلى يلاّ سلام ويلاّ طب
ولازم الشده دى معرفش ليه علقت اوى معايا بقيت كل ما اقفل ماسنجر مع واحد صحبى اقوله يلاّ سلام ويلاّ طب يعنى انا هقفل بقى واروح اذاكر طب شويه
بصراحه حسيت انها كدا متداوله جدا وعلقت معايا ومعاه وكان هو حاجز اسم يلاّ طب قبل ما نتسرق او بدقه اكتر الاسم كان سرى ولبسنا اسم وهمى لواحد سرقنا
فى كل الحلات يلاّ ربنا يسامحه ويسامحنا ويلاّ طب

[B@khit]

نرجع بقى لموضوعنا الاساسى العبد لله أحمد بخيت مواليد 15-6 يعنى جوزائى اغلب صفات البرج دا بتنطبق عليا مع انى مش مقتنع بموضوع الابراج دا ابدا هادى الى حد ما بحب الحياه الاجتماعيه بوجه عام ولكن انطوائى فى نفس الوقت نوع جديد من فلسفة التعايش مع الاخرين اصدقائى فى ظاهرهم كتير اوى اوى ميتعدوش اللى قريبين اوى اوى منى يتعدوا على الاصابع او بالتحديد هو شخص واحد عزيز جدا على قلبى اسمه مهيب الركن دا الاسم الحركى بتاعه اسمه ابراهيم
اكتر حاجه بتسعدنى اوى لما حد يدينى هديه بدون مناسبه
احلامى هى احلام اى حد فينا من كتر ما قريت احلام كل المصريين حسيت اننا بنعيش حلم واحد حلم كبير اتمنى انى الاقى نفسى فى يوم من الايام فى مكان مناسب وربنا يقدرنى على تحقيق الحلم دا اللى هو مصر ( دا اسم حلمنا الكبير ) ودا اللى خلانى اعمل طب مصر لانها غاليه اوى علينا
مصر بتاعتنا احنا
اممممم الباقى بقى انى من مواليد الشرقيه مصرى الاب والام وبدرس فى 6 طب ونفسى اخلص بقى لان الملل بدا يطلع على مخى
بس خلاص

[basic]

حد تانى هياخد حبايتين شجاعه ويعرفنا بنفسه ؟؟

[Aya]

حد تانى هياخد حبايتين شجاعه ويعرفنا بنفسه ؟؟

'طب خد نت الحبيتين الاول و عرفنا بنفسك

[le_adorant]

انا

مش عارف اكتب كلام كتير زيك كده يا ابو حميد

باختصار

طالب عنده حبة طوووح ..ونفسه ينفزهم

اسمي محمد..

مواليد 87 يعني عايش بقالي كتير
المهم
تالته طب المكسوره ..

اديني اخدت الحبيتين اهو

[هاله]

الحقيقه يا محمد انت عندك شوية طموح كتير
بس اسمع كلام اللى اكبر منك علشان تعرف تحققهم

[Dr_Hima]

انا ابراهيم
خريج صيدلة 2007
مواليد سنة 1985
المنصورة

[dr_mai]

Hi ana mai , teb eskendria, sana 5, ana mwalid 1987, ba7b elteb gedan w al7amdolelah ta2deraty kwayesa , nefsy ab2a doctora shatra 3lshan a7'dem elnas..da3watkom

[dr.essam al hellawy]

السلام عليكم جميعا...انا صيق جديد فى يلا طب و باهنيكم على فكره الموقع الجميله و اتمنى لكم كل التوفيق.انا اخوكم العجوز شويه بالنسبه لسنكم و مراحلكم الدراسيه لانى دفغه 96ومخلص الماجستير من اربع سنين.اخوكم عصام الهلاوى